کەیلان عەبدوڵا
لەدایکبووی رۆژهەڵاتی کوردستانە، هەڵگری بڕوانامەی بەکالوریوسە لە بەشی گرافیک.
لە ساڵی 2011وە لە کەناڵی کوردماکس پێشکەشکارە، سەرەتا بە پرۆگرامی “خوانی ئێمە” دەستی پێیکردووە کە بە شێوەیەکی مەیدانی پێشکەش دەکرا و پاشان بۆ ماوەی سێ ساڵ بەردەوام بووە لە پێشکەشکردنی پرۆگرامی “ماڵی ئێمە”.
هەروەها بۆ ماوەی ساڵێک پرۆگرامێکی مەیدانی پێشکەشکرد لە یەکێک لە بەناوبانگترین کەناڵە فارسییەکان بە ناوی “منو تو” کە بە شێوەی مەیدانی کەلتوور و شوێنە سەرنجراکێشەکانی کوردستانی پێشان دەدا.ئێستا هەر لە پێشکەشکردنی پرۆگرامی خوانی ئێمە لە کوردماکس بەردەوامە.
